Здраво ,а вкусно.

ЗДРАВА ХРАНA

Здравата исхрана е важен дел од здравиот начин на живот. Правилната исхрана комбинирана со редовна физичка активност може да го унапреди вашето здравје. Информациите за одредени диети, исхрана и здрава храна можат да ви бидат од помош особено кога изворот на информации е нов и проверен.

Исхраната може да изгледа сложена,

 но следејќи ги основните напатствија ви се зголемува можноста за здрав живот и помага да го намалите ризикот на појава на многу болести. 

Насоки за здрава исхрана

Следете ја пирамидата на здрава исхрана

Важни вистини

1. Правилната исхрана е важна за добро здравје
2. Здравата храна ви помогнува во намалување на ризикот од одредени здравствени проблеми
3. Посакуваната, соодветна тежина може да ја постигнете преку диета и вежбање
4. Правилната исхрана вклучува многу свежо овошје, зеленчук

Македонската кујна изобилува со богата и разновидна трпеза. Со одредени рецепти кои ќе ви ги предложиме ќе успееме да ви направиме правилна комбинација на храната и сепак да уживате во јадењето, а да не ги зголемите вашите килограми.

Ако за вашата трпеза сакате да приготвите сарма, таа нека биде направена или само од ориз или само од месо, но никако во комбинација од месо и ориз. Комбинацијата на јаглехидратот и протеинот на еден оброк дефинитивно го оптоварува метаболизмот и организмот. Во сармата со ориз наместо месо можете да додадете соја, која е соодветна замена за месо, а сепак е во правилна комбинација со оризот.

Задолжително на трпезата да биде застапена свежата салата која ќе биде составена од микс на свежи разновидни зеленчуци. На пример: комбинацијата од зелката , цвеклото, морковот, белата трупка, ротквицата...

Зашто токму цвеклото? Цвеклото е најдобро средство за подмладување и ревитализирање на организмот, ја зацврстува кожата, ги јакне коските, ги елеминира отровните состојки од организмот, ги неутрализирана вишокот на желудечни киселини, а на тој начин ги искористува и белковините, активира создавање на црвени крвни зрнца,  ја подобрува косата, ноктите, ја решава опстипацијата- отежнатото празнење на цревата (запек), а најважно од се донесува оптимистичко расположение. Цвеклото изобилува и со силициум, кој што го појачува врзивното ткиво во организмот, изобилува со фолна киселина и калиум. Како препорака секогаш цвеклото јадете го во свежа состојба - сирово. Сите оние кои неможат да го комзумираат цвеклото во свежа форма, можат да пијат сок од природно цедено цвекло, во комбинација со разноврсно овошје и зеленчук. Наш совет за сите оние кои не го поднесуваат мирисот на цвеклото е да го купуваат што помало затоа што тоа цвекло нема да ја поприми миризбата на земја.

Ако сте љубители на месо и ако треба да изберете меѓу свинско и телешко месо изберете го телешкото или јагнешкото. Пригответе преубава турли тава со месо и разноврсни зеленчуци во кои нема да има компир, боранија и грашок. Нека изобилува брокулата, карфиолот, морковот, доматот, пиперката, зелката...

Збор два за брокулата...
Овој зелен зеленчук е многу ретко застапен во нашата македонска кујна, а преставува бомба од хранливи продукти. Брокулата е најдобар антистресен зеленчук и се препорачува кај сите што се под стрес, кај спортистите, кај децата во развој. Одлична е и за заштита на слузницата ако се јаде барем 3 пати во неделата, особено за заштита на цревната слузница. Изобилува со железо, богата е со Ц-витамин и го заштитува срцето. Ќе Ви овозможи да го елиминирате вишокот на задржаната течност во организмот, а на тој начин ќе ги елиминира токсините од организмот.
Пијте големо количество на природно цедени сокови од овошје и зеленчук секогаш разблажено со вода.

П.С.  Многу е важно што влегува во устата , но не заборавајте исто така е важно и што излегува од неа.